دم رخصت جو ان سے کہہ کے میں اٹھا خدا حافظ

دم رخصت جو ان سے کہہ کے میں اٹھا خدا حافظ

لگے جھنجھلا کے وہ کہنے بہت اچھا خدا حافظ

جو میں جاتا ہوں اٹھ کر فی امان اللہ کہتا ہوں

ترے منہ سے نہ او کافر کبھی نکلا خدا حافظ

کہا ہے کس نے تم سے چومو چاٹو جا کے پتھر کو

تمہارے زاہدو اب دین و ایماں کا خدا حافظ

حفاظت میں وہ دیکھے غیر کی تجھ کو قیامت ہے

کبھی جو بد گمانی سے نہ ہو کہتا خدا حافظ

سنا ہے آج وہ بت خوب ہی بن ٹھن کے آتا ہے

ترے دل کا ارے او انجمؔ شیدا خدا حافظ

dam-e-rukhsat jo un se kah ke main utha khuda hafiz

lage jhanjhla ke wo kahne bahut achchha khuda hafiz

jo main jata hun uth kar fi aman allah kahta hun

tire munh se na o kafir kabhi nikla khuda hafiz

kaha hai kis ne tum se chumo chato ja ke patthar ko

tumhare zahido ab din-o-iman ka khuda hafiz

hifazat mein wo dekhe ghair ki tujh ko qayamat hai

kabhi jo bad gumani se na ho kahta khuda hafiz

suna hai aj wo but khub hi ban than ke ata hai

tire dil ka are o anjum-e-shaida khuda hafiz