دن نہیں رات نہیں صبح نہیں شام نہیں

دن نہیں رات نہیں صبح نہیں شام نہیں

وقت ملنے کا مگر داخل ایام نہیں

مثل عنقا مجھے تم دور سے سن لو ورنہ

ننگ ہستی ہوں مری جائے بجز نام نہیں

خطر راہ وفا بلکہ بہت دور کھنچا

عمر گزری کہ بہم نامہ و پیغام نہیں

راز پوشی محبت کے تئیں چاہیے ضبط

سو تو بے تابئ دل بن مجھے آرام نہیں

بے قراری جو کوئی دیکھے ہے سو کہتا ہے

کچھ تو ہے میرؔ کہ اک دم تجھے آرام نہیں

din nahin rat nahin subh nahin sham nahin

waqt milne ka magar dakhil-e-ayyam nahin

misl-e-anqa mujhe tum dur se sun lo warna

nang-e-hasti hun miri jae bajuz nam nahin

khatar-e-rah-e-wafa balke bahut dur khincha

umr guzri ke baham nama-o-paigham nahin

raz poshi mohabbat ke tain chahiye zabt

so to be tabi-e-dil ban mujhe aram nahin

be qarari jo koi dekhe hai so kahta hai

kuchh to hai mir ke ik dam tujhe aram nahin