دن ہی ملئے گا یا شب آئیے گا

دن ہی ملئے گا یا شب آئیے گا

بندہ خانہ میں پھر کب آئیے گا

لگ چلی ہی سی ہے ابھی تو خیال

ڈھب چڑھے گا تو کچھ ڈھبائیے گا

ایک بوسہ پہ دین و دل تو لیا

اور کتنا مجھے دبائیے گا

جا چکے ہم جب آپ سے پیارے

کیوں نہ اس راہ سے اب آئیے گا

ہم بھی ملا سے کچھ کریں گے شروع

آپ کس وقت مکتب آئیے گا

کر لے کرنی جو ہے خرید و فروخت

پھیر اس پینٹھ میں کب آئیے گا

اب تو قائمؔ ہے کوچ ہی کی صلاح

یوں گھر اپنا ہے پھر جب آئیے گا

din hi miliyega ya shab aiyega

banda khana mein phir kab aiyega

lag chali hi si hai abhi to khayal

dhab charhega to kuchh dhabaiye ga

ek bosa pe din-o-dil to liya

aur kitna mujhe dabaiyega

ja chuke ham jab ap se pyare

kyun na is rah se ab aiyega

ham bhi mila se kuchh karenge shuru

ap kis waqt maktab aiyega

kar le karni jo hai kharid-o-farokht

pher is penth mein kab aiyega

ab to qaim hai kuch hi ki salah

yun ghar apna hai phir jab aiyega