دم یار تا نزع بھر لیجئے

دم یار تا نزع بھر لیجئے

سخیؔ زندگی تک تو مر لیجئے

دیا دل تو کہنے لگے پھینک کر

کلیجہ میں اپنے یہ دھر لیجئے

مری لاغری پر تو ہنستے ہیں آپ

کمر کی تو اپنی خبر لیجئے

اجل آئے پیچھا چھٹتے شہر کا

کہیں چل کے جنگل میں گھر لیجئے

سخیؔ ہجر جاناں میں کھانا کہاں

غم و درد سے پیٹ بھر لیجئے

dam yar ta nazaa bhar lijiye

sakhi zindagi tak to mar lijiye

diya dil to kahne lage phenk kar

kaleja main apne ye dhar lijiye

miri laghari par to hanste hain ap

kamar ki to apni khabar lijiye

ajal ae pichha chhutte shahr ka

kahin chal ke jangal mein ghar lijiye

sakhi hijr janan mein khana kahan

gham-o-dard se pet bhar lijiye