دم نہ نکلا یار کی نامہربانی دیکھ کر

دم نہ نکلا یار کی نامہربانی دیکھ کر

سخت حیراں ہوں میں اپنی سخت جانی دیکھ کر

شام سے تا صبح فرقت صبح سے تا شام ہجر

ہم چلے کیا کیا نہ لطف زندگانی دیکھ کر

یوں تو لاکھوں غمزدہ ہوں گے مگر اے آسماں

جب تجھے جانوں کہ لا دے میرا ثانی دیکھ کر

اب تپ فرقت سے یہ کچھ ضعف طاری ہے کہ آہ

دنگ رہ جاتی ہے ہم کو نا توانی دیکھ کر

واسطے جس کے ہوئے بحر فنا کے آشنا

وہ پسیجا بھی نہ اپنی جاں فشانی دیکھ کر

باز آ بیمارؔ اس کے عشق سے جانے بھی دے

ترس آتا ہے یہ تیری نوجوانی دیکھ کر

dam na nikla yar ki namehrbani dekh kar

sakht hairan hun main apni sakht jani dekh kar

sham se ta subh-e-furqat subh se ta sham-e-hijr

ham chale kya kya na lutf-e-zindagani dekh kar

yun to lakhon ghamzada honge magar ai asman

jab tujhe janun ke la de mera sani dekh kar

ab tap-e-furqat se ye kuchh zof tari hai ke ah

dang rah jati hai ham ko na tawani dekh kar

waste jis ke hue bahr fana ke ashna

wo pasija bhi na apni jan fishani dekh kar

baz a bimar us ke ishq se jane bhi de

taras ata hai ye teri naujawani dekh kar