بارے دنیا میں رہو غم زدہ یا شاد رہو

بارے دنیا میں رہو غم زدہ یا شاد رہو

ایسا کچھ کر کے چلو یاں کہ بہت یاد رہو

عشق پیچے کی طرح حسن گرفتاری ہے

لطف کیا سرو کی مانند گر آزاد رہو

ہم کو دیوانگی شہروں ہی میں خوش آتی ہے

دشت میں قیس رہو کوہ میں فرہاد رہو

وہ گراں خواب جو ہے ناز کا اپنے سو ہے

داد بیداد رہو شب کو کہ فریاد رہو

میرؔ ہم مل کے بہت خوش ہوئے تم سے پیارے

اس خرابے میں مری جان تم آباد رہو

bare duniya mein raho gham zada ya shad raho

aisa kuchh kar ke chalo yan ke bahut yad raho

ishq peche ki tarah husn giraftari hai

lutf kya sarw ki manind gar azad raho

ham ko diwangi shahron hi mein khush ati hai

dasht mein qais raho koh mein farhad raho

wo giran khwab jo hai naz ka apne so hai

dad bedad raho shab ko ke fariyad raho

mir ham mil ke bahut khush hue tum se pyare

is kharabe mein miri jan tum abad raho