دلی کے بیچ ہائے اکیلے مریں گے ہم

دلی کے بیچ ہائے اکیلے مریں گے ہم

تم آگرے چلے ہو سجن کیا کریں گے ہم

یوں صحبتوں کوں پیار کی خالی جو کر چلے

اے مہربان کیونکہ کہوں دن پھریں گے ہم

جن جن کو لے چلے ہو سجن ساتھ ان سمیت

حافظ رہے خدا کے حوالے کریں گے ہم

بھولو گے تم اگرچہ سدا رنگ جی ہمیں

تو ناؤں بین بین کے تم کو دھریں گے ہم

اخلاص میں کتا ہے تمہیں آبروؔ ابھی

آئے نہ تم شتاب تو تم سیں لڑیں گے ہم

dilli ke bich hae akele marenge ham

tum agre chale ho sajan kya karenge ham

yun sohbaton kun pyar ki khali jo kar chale

ai mehrban kyunke kahun din phirenge ham

jin jin ko le chale ho sajan sath un samet

hafiz rahe khuda ke hawale karenge ham

bhuloge tum agarche sada rang ji hamen

tu naun bain bain ke tum ko dharenge ham

ikhlas mein kutta hai tumhen abru abhi

ae na tum shitab to tum sin larenge ham