دل کی کہوں یا کہوں جگر کی

دل کی کہوں یا کہوں جگر کی

کچھ بات کروں ادھر ادھر کی

لو دل کی بجھائیں یا جگر کی

لیں اشک خبر کدھر کدھر کی

اٹھنے نہ دیا ہمیں مرے پر

لی ضعف نے عاقبت پسر کی

گھڑیال نصیب ہوں شب وصل

سر چوٹ ہے ہر گھڑی گجر کی

ڈھلنے کو ہے مہر نوجوانی

چھٹنے پہ ہے توپ دوپہر کی

کیا کم سخنوں کو شمع کہیے

شمعوں کی زباں ہے ہاتھ بھر کی

مرقد میں چلے رہ عدم لی

سوجھی جو مسافرت میں گھر کی

کاکل ہوئی تر عرق سے رخ کے

پی سانپ نے اس پھول پر کی

جی قبر میں خاک بھلے اے شادؔ

بستی ہے اجاڑ اس نگر کی

dil ki kahun ya kahun jigar ki

kuchh bat karun idhar idhar ki

lo dil ki bujhaen ya jigar ki

len ashk khabar kidhar kidhar ki

uthne na diya hamen mire par

li zof ne aqibat pisar ki

gharyal nasib hun shab-e-wasl

sar chot hai har ghari gajar ki

dhalne ko hai mehr naujawani

chhutne pe hai top dopahar ki

kya kam sukhnon ko shama kahiye

shamon ki zaban hai hath bhar ki

marqad mein chale rah-e-adam li

sujhi jo masafrat mein ghar ki

kakul hui tar araq se rukh ke

pi sanp ne us phul par ki

ji qabr mein khak bhale ai shad

basti hai ujar is nagar ki