باغ جہاں کے گل ہیں یا خار ہیں تو ہم ہیں

باغ جہاں کے گل ہیں یا خار ہیں تو ہم ہیں

گر یار ہیں تو ہم ہیں اغیار ہیں تو ہم ہیں

دریائے معرفت کے دیکھا تو ہم ہیں ساحل

گر وار ہیں تو ہم ہیں اور پار ہیں تو ہم ہیں

وابستہ ہے ہمیں سے گر جبر ہے و گر قدر

مجبور ہیں تو ہم ہیں مختار ہیں تو ہم ہیں

تیرا ہی حسن جگ میں ہر چند موجزن ہے

تس پر بھی تشنہ کام دیدار ہیں تو ہم ہیں

الفاظ خلق ہم بن سب مہملات سے تھے

معنی کی طرح ربط گفتار ہیں تو ہم ہیں

اوروں سے تو گرانی یک لخت اٹھ گئی ہے

اے دردؔ اپنے دل کے گر بار ہیں تو ہم ہیں

bagh-e-jahan ke gul hain ya khar hain to ham hain

gar yar hain to ham hain aghyar hain to ham hain

dariya-e-maarifat ke dekha to ham hain sahil

gar war hain to ham hain aur par hain to ham hain

wabasta hai hamen se gar jabr hai-o-gar qadar

majbur hain to ham hain mukhtar hain to ham hain

tera hi husn jag mein har chand maujzan hai

tis par bhi tishna kam didar hain to ham hain

alfaz khalq ham ban sab mohmalat se the

maani ki tarah rabt-e-guftar hain to ham hain

auron se to girani yak lakht uth gai hai

ai dard apne dil ke gar bar hain to ham hain