دل ہے بحر بیکراں دل کی امنگ

دل ہے بحر بیکراں دل کی امنگ

چار موج چار سو ہے چار رنگ

موج اول ہے جز و کل میں محیط

سر بسر کبر و منیٰ کا رنگ ڈھنگ

ہے تصور دویمی موج خیال

فرش سے تا عرش جس کی ہے ترنگ

سویمی ہے عقل محدود و سلیم

مانتے ہیں جس کا لوہا سب دبنگ

دل کی ہے موج‌ چہارم واہمہ

دم بہ دم جس کی انوکھی ہے امنگ

چار دانگ عالم ایجاد میں

چار موجیں ہیں بہم اور خانہ جنگ

جان کی تحریک سے ہے سب نمود

خواہ دل ہے خواہ ہے دل کی امنگ

ہیں اسی تحریک میں آخر فنا

شمع کی لو میں فنا جیسے پتنگ

عقل کی صیقل سے ہو جاتا ہے پاک

دل کے آئینہ کو جب لگتا ہے زنگ

علم میں ہے ہستئ دل بے ثبات

جیسے ساحرؔ آب دریا میں ترنگ

dil hai bahr-e-bekaran dil ki umang

char mauj-e-char su hai char rang

mauj-e-awwal hai juz-o-kal main muhit

sar basar kibr-o-mani ka rang dhang

hai tasawwur doyami mauj-e-khayal

farsh se ta arsh jis ki hai tarang

soyami hai aql mahdud-o-salim

mante hain jis ka loha sab dabnag

dil ki hai mauj-e-chaharum wahima

dam ba dam jis ki anokhi hai umang

char dang alam-e-ijad mein

char maujen hain baham aur khana jang

jan ki tahrik se hai sab numud

khwah dil hai khwah hai dil ki umang

hain isi tahrik mein akhir fana

shama ki lau mein fana jaise patang

aql ki saiqal se ho jata hai pak

dil ke aina ko jab lagta hai zang

ilm mein hai hasti-e-dil be sabat

jaise sahir ab-e-dariya mein tarang