دل کے کہنے پہ چلوں عقل کا کہنا نہ کروں

دل کے کہنے پہ چلوں عقل کا کہنا نہ کروں

میں اسی سوچ میں ہوں کیا کروں اور کیا نہ کروں

زندگی اپنی کسی طرح بسر کرنا ہے

کیا کروں آہ اگر تیری تمنا نہ کروں

مجلس وعظ میں کیا میری ضرورت ناصح

گھر میں بیٹھا ہوا شغل مے و مینا نہ کروں

مست ہے حال میں دل بے خیر مستقبل

سوچتا ہوں اسے ہشیار کروں یا نہ کروں

کس طرح حسن زباں کی ہو ترقی وحشتؔ

میں اگر خدمت اردوئے معلیٰ نہ کروں

dil ke kahne pe chalun aql ka kahna na karun

main isi soch mein hun kya karun aur kya na karun

zindagi apni kisi tarah basar karna hai

kya karun ah agar teri tamanna na karun

majlis-e-waaz mein kya meri zarurat naseh

ghar mein baitha hua shaghl-e-mai-o-mina na karun

mast hai hal mein dil-e-be khair mustaqbil

sochta hun use hushyar karun ya na karun

kis tarah husn zaban ki ho taraqqi wahshat

main agar khidmat-e-urdu-e-mualla na karun