دل ہو گیا ہے غم سے ترے داغ دار خوب

دل ہو گیا ہے غم سے ترے داغ دار خوب

پھولا ہے کیا ہی جوش سے یہ لالہ زار خوب

کب تک رہوں حجاب میں محروم وصل سے

جی میں ہے کیجے پیار سے بوس و کنار خوب

ساقی لگا کے برف میں مے کی صراحی لا

آنکھوں میں چھا رہا ہے نشہ کا خمار خوب

آیا نہ ایک دن بھی تو وعدہ پہ رات کو

اچھا کیا سلوک تغافل شعار خوب

ایسی ہوا بندھی رہے چنداؔ کی یا علی

با صد بہار دیکھے جہاں کی بہار خوب

dil ho gaya hai gham se tire dagh dar khub

phula hai kya hi josh se ye lala zar khub

kab tak rahun hijab mein mahrum wasl se

ji mein hai kije pyar se bos-o-kanar khub

saqi laga ke barf mein mai ki surahi la

ankhon mein chha raha hai nasha ka khumar khub

aya na ek din bhi to waada pe rat ko

achchha kiya suluk-e-taghaful shiar khub

aisi hua bandhi rahe chanda ki ya ali

ba sad bahar dekhe jahan ki bahar khub