دل ہے تو ترے وصل کے ارمان بہت ہیں

دل ہے تو ترے وصل کے ارمان بہت ہیں

یہ گھر جو سلامت ہے تو مہمان بہت ہے

میں داد کا خواہاں نہیں اے داور محشر

آج اپنے کیے پر وہ پشیمان بہت ہیں

دل لے کے کھلونے کی طرح توڑ نہ ڈالیں

ڈر مجھ کو یہی ہے کہ وہ نادان بہت ہیں

وہ پھول چڑھاتے ہیں دبی جاتی ہے تربت

معشوق کے تھوڑے سے بھی احسان بہت ہیں

تم کو نہ پسند آئے نہ لو پھیر دو مجھ کو

اس دل کے خریدار مری جان بہت ہیں

ڈانٹا کبھی غمزے نے کبھی ناز نے ٹوکا

خلوت میں بھی ساتھ ان کے نگہبان بہت ہیں

خالی بھی کوئی دل ہے وہاں عشق صنم سے

کہنے کو تو کعبے میں مسلمان بہت ہیں

شاید یہ اثر ہو میری آہ سحری کا

کچھ صبح سے وہ آج پریشان بہت ہیں

کیا شب کو حفیظؔ ان سے یہیں وصل کی ٹھہری

آج آپ کے گھر عیش کے سامان بہت ہیں

dil hai to tire wasl ke arman bahut hain

ye ghar jo salamat hai to mehman bahut hai

main dad ka khwahan nahin ai dawar-e-mahshar

aj apne kiye par wo pasheman bahut hain

dil le ke khilaune ki tarah tor na dalen

dar mujh ko yahi hai ke wo nadan bahut hain

wo phul charhate hain dabi jati hai turbat

maashuq ke thore se bhi ehsan bahut hain

tum ko na pasand ae na lo pher do mujh ko

is dil ke kharidar miri jan bahut hain

danta kabhi ghamze ne kabhi naz ne toka

khalwat mein bhi sath un ke nigahban bahut hain

khali bhi koi dil hai wahan ishq sanam se

kahne ko to kaabe mein musalman bahut hain

shayad ye asar ho meri ah sahari ka

kuchh subh se wo aj pareshan bahut hain

kya shab ko hafiz un se yahin wasl ki thahri

aj ap ke ghar aish ke saman bahut hain