باتوں میں ڈھونڈتے ہیں وہ پہلو ملال کا

باتوں میں ڈھونڈتے ہیں وہ پہلو ملال کا

مطلب یہ ہے کہ ذکر نہ آئے وصال کا

کیا ذکر ان سے کیجیے دل کے ملال کا

ہے خامشی جواب مرے ہر سوال کا

تا عمر پھر نہ طالب جلوہ ہوئے کلیم

دیکھا جو ایک بار کرشمہ جمال کا

رخ پر پڑی ہوئی ہے نقاب شعاع حسن

موقع نظر کو خاک ملے دیکھ بھال کا

ہم نا مراد عشق وہ ہجراں نصیب ہیں

دیکھا نہ ہم نے منہ کبھی شام وصال کا

بود و نبود کہتے ہیں اہل جہاں جسے

ادنیٰ سا شعبدہ ہے طلسم خیال کا

baton mein dhundte hain wo pahlu malal ka

matlab ye hai ke zikr na ae wisal ka

kya zikr un se kijiye dil ke malal ka

hai khamushi jawab mire har sawal ka

ta umr phir na talib-e-jalwa hue kalim

dekha jo ek bar karishma jamal ka

rukh par pari hui hai naqab-e-shua-e-husn

mauqaa nazar ko khak mile dekh bhal ka

ham na murad ishq wo hijran nasib hain

dekha na ham ne munh kabhi sham-e-wisal ka

bud-o-nabod kahte hain ahl-e-jahan jise

adna sa shobada hai tilism-e-khayal ka