دل کسو سے تو کیا لگانا تھا

دل کسو سے تو کیا لگانا تھا

ہم کو منظور جی سے جانا تھا

آستاں تھا وہ آستانۂ عشق

کاٹ کر سر جہاں چڑھانا تھا

دید کو تیرے آئے تھے ہم یاں

زندگی کا فقط بہانہ تھا

نکلے وہ آہ اپنے دشمن جاں

ہم نے جن جن کو دوست جانا تھا

جس زمانہ میں ہم ہوئے تھے خلق

ہائے وو کیا برا زمانہ تھا

کیوں دیا اس پری کو دل تو نے

کیا تو اے منتظرؔ دوانہ تھا

dil kisu se to kya lagana tha

ham ko manzur ji se jana tha

astan tha wo astana-e-ishq

kat kar sar jahan charhana tha

did ko tere ae the ham yan

zindagi ka faqat bahana tha

nikle wo ah apne dushman-e-jan

ham ne jin jin ko dost jana tha

jis zamana mein ham hue the khalq

hae wo kya bura zamana tha

kyun diya us pari ko dil tu ne

kya to ai muntazir diwana tha