بات کرنے کی شب وصل اجازت دے دو
Bekhud Dehlvi (1863–1955)بات کرنے کی شب وصل اجازت دے دو
مجھ کو دم بھر کے لئے غیر کی قسمت دے دو
تم کو الفت نہیں مجھ سے یہ کہا تھا میں نے
ہنس کے فرماتے ہیں تم اپنی محبت دے دو
ہم ہی چوکے سحر وصل منانا ہی نہ تھا
اب ہے یہ حکم کہ جانے کی اجازت دے دو
مفت لیتے بھی نہیں پھیر کے دیتے بھی نہیں
یوں سہی خیر کہ دل کی ہمیں قیمت دے دو
کم نہیں پیر خرابات نشیں سے بیخودؔ
مے کشو تو اسے مے خانے کی خدمت دے دو
bat karne ki shab-e-wasl ijazat de do
mujh ko dam bhar ke liye ghair ki qismat de do
tum ko ulfat nahin mujh se ye kaha tha main ne
hans ke farmate hain tum apni mohabbat de do
ham hi chuke sahar-e-wasl manana hi na tha
ab hai ye hukm ke jane ki ijazat de do
muft lete bhi nahin pher ke dete bhi nahin
yun sahi khair ke dil ki hamen qimat de do
kam nahin pir-e-kharabat nashin se bekhud
mai kasho to use mai khane ki khidmat de do