دل کو طرز نگۂ یار جتاتے آئے

دل کو طرز نگۂ یار جتاتے آئے

تیر بھی آئے تو بے پر کی اڑاتے آئے

بادشاہوں کا ہے دربار در پیر مغاں

سیکڑوں جاتے گئے سیکڑوں آتے آئے

چھپ کے بھی آئے مرے گھر تو وو دربانوں کو

اپنی پازیب کی جھنکار سناتے آئے

روز محشر جو بلائے گئے دیوانۂ زلف

بیڑیاں پہنے ہوئے شور مچاتے آئے

کیا کہیں گے کوئی محشر میں جو پوچھے گا امیرؔ

کیوں نہ بگڑی ہوئی باتوں کو بناتے آئے

dil ko tarz-e-nigah-e-yar jatate ae

tir bhi ae to be par ki urate ae

badshahon ka hai darbar dar-e-pir-e-mughan

saikron jate gae saikron ate ae

chhup ke bhi ae mire ghar to wo darbanon ko

apni pazeb ki jhankar sunate ae

roz-e-mahshar jo bulae gae diwana-e-zulf

beriyan pahne hue shor machate ae

kya kahenge koi mahshar mein jo puchhega amir

kyun na bigri hui baton ko banate ae