دل و جاں ہم نثار کرتے ہیں

دل و جاں ہم نثار کرتے ہیں

وہ نگاہوں سے وار کرتے ہیں

حال دل جب انہیں سناتا ہوں

آنکھ وہ اشک بار کرتے ہیں

ہم نے ان سے کبھی گلہ نہ کیا

وہ تو شکوے ہزار کرتے ہیں

آ بھی جاؤ کہ تاب ضبط نہیں

ہر گھڑی انتظار کرتے ہیں

آنکھ ان سے لڑی ہے جب اخترؔ

گل و بلبل سا پیار کرتے ہیں

dil-o-jan ham nisar karte hain

wo nigahon se war karte hain

hal-e-dil jab unhen sunata hun

ankh wo ashk bar karte hain

ham ne un se kabhi gila na kiya

wo to shikwe hazar karte hain

a bhi jao ke tab zabt nahin

har ghari intizar karte hain

ankh un se lari hai jab akhtar

gul-o-bulbul sa pyar karte hain