دل میں چمکے ہوئے ہیں داغ بہت

دل میں چمکے ہوئے ہیں داغ بہت

روشن اس گھر میں ہیں چراغ بہت

میں نہ روؤں تو کیا کروں ساقی

بھر کے دیتا نہیں ایاغ بہت

شب کو وعدہ ہے ان کے آنے کا

کیوں نہ روشن کروں چراغ بہت

دل ویراں کو دیکھ کر بولے

گاؤں ہوتے ہیں بے چراغ بہت

غیر کو سر چڑھائیں وہ توبہ

صدقے کر ڈالے ایسے زن بہت

دل پر داغ ہی کی سیر کرو

ہے تمہارے لئے یہ باغ بہت

مجھ سے ملتے ہیں جب یہ کہتے ہیں

آپ کو ہو گیا دماغ بہت

غم سے پائی نجات مرقد میں

مر کے حاصل ہوا فراغ بہت

نقش پا تک ملا نہ ان کا کہیں

چھان مارا ہے کوہ و راغ بہت

کچھ تو فرمائیے جناب رنجؔ

آج ہیں آپ باغ باغ بہت

dil mein chamke hue hain dagh bahut

raushan is ghar mein hain charagh bahut

main na roun to kya karun saqi

bhar ke deta nahin ayagh bahut

shab ko waada hai un ke ane ka

kyun na raushan karun charagh bahut

dil-e-wiran ko dekh kar bole

gaon hote hain be charagh bahut

ghair ko sar charhaen wo tauba

sadqe kar dale aise zan bahut

dil par dagh hi ki sair karo

hai tumhare liye ye bagh bahut

mujh se milte hain jab ye kahte hain

ap ko ho gaya dimagh bahut

gham se pai najat marqad mein

mar ke hasil hua faragh bahut

naqsh-e-pa tak mila na un ka kahin

chhan mara hai koh-o-ragh bahut

kuchh to farmaiye janab ranj

aj hain ap bagh bagh bahut