دل نا مطمئن اندیشۂ برق تپاں میں ہے

دل نا مطمئن اندیشۂ برق تپاں میں ہے

جو بے تابی قفس میں تھی وہی اب آشیاں میں ہے

مری بے تابئ دل کی سمجھ میں کچھ نہیں آتا

خدا جانے ترا حرف تسلی کس زباں میں ہے

یہی انداز ہیں تو غم نہیں کچھ بعد منزل کا

امنگیں جاگ اٹھی ہیں زندگی سی کارواں میں ہے

اسی کے راگ سے گونجیں گی کل راہیں مسرت کی

یہ مانا آج انساں منزل آہ و فغاں میں ہے

کوئی نسبت نہیں منزل رسی کو رہ نوردی سے

وہ لذت کامیابی میں کہاں جو امتحاں میں ہے

یہ تخصیص چمن کیا التجائے باغباں کیسی

بہت اے ہمت پرواز گنجائش جہاں میں ہے

dil-e-na mutmain andesha-e-barq-e-tapan mein hai

jo be tabi qafas mein thi wahi ab ashiyan mein hai

miri be tabi-e-dil ki samajh mein kuchh nahin ata

khuda jane tira harf-e-tasalli kis zaban mein hai

yahi andaz hain to gham nahin kuchh baad manzil ka

umangen jag uthi hain zindagi si karwan mein hai

usi ke rag se gunjengi kal rahen masarrat ki

ye mana aj insan munzzal ah-o-fughan mein hai

koi nisbat nahin manzil rassi ko rah nawardi se

wo lazzat kamyabi mein kahan jo imtihan mein hai

ye takhsis-e-chaman kya iltija-e-baghban kaisi

bahut ai himmat-e-parwaz gunjaish jahan mein hai