دل پہ جو گزرے ہے میرے آہ میں کس سے کہوں

دل پہ جو گزرے ہے میرے آہ میں کس سے کہوں

کیا کروں میں اے مرے اللہ میں کس سے کہوں

جب نہ تم ہی حال دل میرا کبھی آ کر سنو

تو یہ فرماؤ مجھے، اللہ میں کس سے کہوں

میرے صاحب کے ذرا سے ربط پر بگڑیں نہ غیر

غیر سے تم سے جو کچھ ہے راہ میں کس سے کہوں

دوستو اب کہنے سننے سے نہیں کچھ فائدہ

وہ تو میرے غم سے ہے آگاہ میں کس سے کہوں

یوں ہی ناحق سر پھراتے ہیں مرا آ آ کے لوگ

حال اپنا اے بت گمراہ میں کس سے کہوں

بے قراری کا سبب اپنی کہوں کس سے نظامؔ

دل پہ جو ہے صدمۂ جاں کاہ میں کس سے کہوں

dil pe jo guzre hai mere ah mein kis se kahun

kya karun main ai mire allah mein kis se kahun

jab na tum hi hal-e-dil mera kabhi a kar suno

to ye farmao mujhe, allah mein kis se kahun

mere sahab ke zara se rabt par bigren na ghair

ghair se tum se jo kuchh hai rah mein kis se kahun

dosto ab kahne sunne se nahin kuchh faida

wo to mere gham se hai agah mein kis se kahun

yun hi nahaq sar pharate hain mira a a ke log

hal apna ai but-e-gumrah mein kis se kahun

be qarari ka sabab apni kahun kis se nizam

dil pe jo hai sadma-e-jan kah mein kis se kahun