دل میں پھر وصل کے ارمان چلے آتے ہیں
Bekhud Dehlvi (1863–1955)دل میں پھر وصل کے ارمان چلے آتے ہیں
میرے روٹھے ہوئے مہمان چلے آتے ہیں
ان کے آتے ہی ہوا حسرت و ارماں کا ہجوم
آج مہمان پہ مہمان چلے آتے ہیں
آپ ہوں ہم ہوں مئے ناب ہو تنہائی ہو
دل میں رہ رہ کے یہ ارمان چلے آتے ہیں
اس نے یہ کہہ کے مجھے دور ہی سے روک دیا
آپ سے جان نہ پہچان چلے آتے ہیں
روٹھ بیٹھے ہیں مگر چھیڑ چلی جاتی ہے
کبھی پیغام کبھی پان چلے آتے ہیں
یہ رہا حضرت بیخودؔ کا مکاں آؤ چلیں
ابھی دم بھر میں مری جان چلے آتے ہیں
dil mein phir wasl ke arman chale ate hain
mere ruthe hue mehman chale ate hain
un ke ate hi hua hasrat-o-arman ka hujum
aj mehman pe mehman chale ate hain
ap hun ham hun mai-e-nab ho tanhai ho
dil mein rah rah ke ye arman chale ate hain
us ne ye kah ke mujhe dur hi se rok diya
ap se jan na pahchan chale ate hain
ruth baithe hain magar chher chali jati hai
kabhi paigham kabhi pan chale ate hain
ye raha hazrat bekhud ka makan ao chalen
abhi dam bhar mein miri jan chale ate hain