دل میں یاد بت بے پیر لیے بیٹھا ہوں

دل میں یاد بت بے پیر لیے بیٹھا ہوں

یعنی اک ظلم کی تصویر لیے بیٹھا ہوں

آہ میں درد کی تاثیر لیے بیٹھا ہوں

دل میں اک خون بھرا تیر لیے بیٹھا ہوں

اک ذرا سی خلش درد جگر پر یہ گھمنڈ

جیسے کل عشق کی جاگیر لیے بیٹھا ہوں

ہے مجھے ساز طرب سوختہ سامانی دل

پردۂ خاک میں اکسیر لیے بیٹھا ہوں

چور شیشے پہ نظر پڑتے ہی دل یاد آیا

مٹنے والے تری تصویر لیے بیٹھا ہوں

قید کو توڑ کے سمجھا کہ سہارا توڑا

ہاتھ میں پاؤں کی زنجیر لیے بیٹھا ہوں

آرزوؔ ہو چکی سو مرتبہ دنیا بیدار

اور میں سوئی ہوئی تقدیر لیے بیٹھا ہوں

dil mein yad-e-but-e-be pir liye baitha hun

yaani ik zulm ki taswir liye baitha hun

ah mein dard ki tasir liye baitha hun

dil mein ik khun bhara tir liye baitha hun

ik zara si khalish-e-dard-e-jigar par ye ghamand

jaise kal ishq ki jagir liye baitha hun

hai mujhe saz-e-tarab sokhta samani-e-dil

parda-e-khak mein iksir liye baitha hun

chur shishe pe nazar parte hi dil yad aya

mitne wale tiri taswir liye baitha hun

qaid ko tor ke samjha ke sahara tora

hath mein paon ki zanjir liye baitha hun

arzu ho chuki so martaba duniya bedar

aur main soi hui taqdir liye baitha hun