دل کا چھالا پھوٹا ہوتا

دل کا چھالا پھوٹا ہوتا

کاش یہ تارا ٹوٹا ہوتا

شیشۂ دل کو یوں نہ اٹھاؤ

دیکھو ہاتھ سے چھوٹا ہوتا

چشم حقیقت بیں اک ہوتی

باغ کا بوٹا بوٹا ہوتا

خیر ہوئی اے جنبش مژگاں

زخم کا ٹانکا ٹوٹا ہوتا

آج عزیزؔ اس شوخ نظر نے

خانۂ دل کو لوٹا ہوتا

dil ka chhala phuta hota

kash ye tara tuta hota

shisha-e-dil ko yun na uthao

dekho hath se chhota hota

chashm-e-haqiqat bin ik hoti

bagh ka buta buta hota

khair hui ai jumbish mizhgan

zakhm ka tanka tuta hota

aj aziz us shokh nazar ne

khana-e-dil ko lauta hota