دل پرستار ہیں سب خلق کے مورت کی تری

دل پرستار ہیں سب خلق کے مورت کی تری

دیدہ ہیں قبلہ نما کعبۂ صورت کی تری

غیر کے واسطے پکڑے ہے تو ہر دم سو بار

متحمل نہیں ہم ایسے کدورت کی تری

بو الہوس جان نہیں کھونے کے خاطر سے تری

ہم ہیں سر دینے کو ہیں وقت ضرورت کی تری

مصحف حسن ہے لو مکھڑا ترا ہے والشمس

یاد رہتی ہے مجھے نت اسی صورت کی تری

نئیں پرستش سے جہاں دارؔ کی تو خوش ورنہ

دل پرستار ہیں سب خلق کے مورت کی تری

dil parastar hain sab khalq ke murat ki tiri

dida hain qibla numa kaaba-e-surat ki tiri

ghair ke waste pakre hai to har dam sau bar

mutahammil nahin ham aise kudurat ki tiri

bu alhawas jan nahin khone ke khatir se tiri

ham hain sar dene ko hain waqt zarurat ki tiri

mushaf-e-husn hai lo mukhra tira hai walshams

yad rahti hai mujhe nit isi surat ki tiri

nain parastish se jahan dar ki to khush warna

dil parastar hain sab khalq ke murat ki tiri