دل نہیں کھنچتا ہے بن مجنوں بیاباں کی طرف

دل نہیں کھنچتا ہے بن مجنوں بیاباں کی طرف

خوش نہیں آتا نظر کرنا غزالاں کی طرف

فصل گل کی ہم اسیروں کو خبر کب ہے ولے

ان دنوں میں شور سا کچھ ہے گلستاں کی طرف

آگ کی مجھ کو لگی ہے پیاس یہ کیونکر بجھے

کیونکہ دیکھوں سیر اس خورشید تاباں کی طرف

اس ہوا میں رحم کر ساقی کہ بے جام شراب

دیکھ کر چھاتی بھری آتی ہے باراں کی طرف

سحر کے ڈورے جو سنتے تھے سو اب دیکھے یقیںؔ

دل کھنچا جاتا ہے اس زلف پریشاں کی طرف

dil nahin khinchta hai ban majnun bayaban ki taraf

khush nahin ata nazar karna ghazalan ki taraf

fasl-e-gul ki ham asiron ko khabar kab hai wale

in dinon mein shor sa kuchh hai gulistan ki taraf

ag ki mujh ko lagi hai pyas ye kyunkar bujhe

kyunke dekhun sair is khurshid taban ki taraf

is hawa mein rahm kar saqi ke be jam-e-sharab

dekh kar chhati bhari ati hai baran ki taraf

sehr ke dore jo sunte the so ab dekhe yaqin

dil khincha jata hai is zulf-e-pareshan ki taraf