دل نے پایا جو مرے مژدہ تری پاتی کا

دل نے پایا جو مرے مژدہ تری پاتی کا

منہ پھرا سوئے بدن جان بلب آتی کا

یوں تو اے یار دل افروز تو سب کا ہے ولے

داغ جاں سوز نرایا ہے مری چھاتی کا

دل دم آہ سحرخیز چلا جاتا ہے

مطربا چپ ہے تو کیوں وقت ہے پربھاتی کا

دل افسردہ کو ہے سوز دروں سے کیا ربط

کام کیا خانۂ ویراں میں دیے باتی کا

اس جہاں میں صفت عشق سے موصوف ہیں ہم

نہ کرو عیب ہمارے ہنر ذاتی کا

یار سن سن کے سب احوال خراب حسرتؔ

بولا کیا کام ہے یاں ایسے خراباتی کا

dil ne paya jo mire muzhda tiri pati ka

munh phira su-e-badan jan-e-balb ati ka

yun to ai yar-e-dil afroz to sab ka hai wale

dagh-e-jan soz naraya hai miri chhati ka

dil dam ah saharkhez chala jata hai

matarba chup hai to kyun waqt hai purbhati ka

dil-e-afsurda ko hai soz-e-darun se kiya rabt

kam kya khana-e-wiran mein diye bati ka

is jahan mein sifat ishq se mausuf hain ham

na karo aib hamare hunar zati ka

yar sun sun ke sab ahwal kharab-e-hasrat

bola kya kam hai yan aise kharabati ka