دل پر اس کاکل رسا کی چوٹ

دل پر اس کاکل رسا کی چوٹ

قہر کی چوٹ ہے بلا کی چوٹ

ہیں وہ افسردہ میری آہوں سے

پھول کو ہے بہت ہوا کی چوٹ

نگۂ ناز سے خدا کی پناہ

کیا بچائے کوئی قضا کی چوٹ

آفریں دل کو جو اٹھاتا ہے

دم بدم خنجر ادا کی چوٹ

گر پڑی آسمان سے بجلی

ہنس کے قاتل نے کی بلا کی چوٹ

بن گئی خون دست قاتل میں

رنگ لائی دل حنا کی چوٹ

تیر مژگاں چلے جدا دل پر

غمزۂ یار نے جدا کی چوٹ

باغ میں سب بکس گئیں کلیاں

نہ اٹھی دامن صبا کی چوٹ

دل یہ کہتا ہے کچھ خطا کر کے

کھائیے دست دل ربا کی چوٹ

ہو گیا ماہ چرخ دو ٹکڑے

تھی یہ انگشت مصطفیٰ کی چوٹ

غیر کیا سمجھے درد دل کو جلیلؔ

آشنا جانے آشنا کی چوٹ

dil par is kakul-e-rasa ki chot

qahr ki chot hai bala ki chot

hain wo afsurda meri ahon se

phul ko hai bahut hawa ki chot

nigah-e-naz se khuda ki panah

kya bachae koi qaza ki chot

afrin dil ko jo uthata hai

dam badam khanjar ada ki chot

gir pari asman se bijli

hans ke qatil ne ki bala ki chot

ban gai khun dast-e-qatil mein

rang lai dil-e-hina ki chot

tir-e-mizhgan chale juda dil par

ghamza-e-yar ne juda ki chot

bagh mein sab bakas gain kaliyan

na uthi daman saba ki chot

dil ye kahta hai kuchh khata kar ke

khaiye dast-e-dil ruba ki chot

ho gaya mah charkh do tukre

thi ye angusht mustafa ki chot

ghair kya samjhe dard-e-dil ko jalil

ashna jane ashna ki chot