دل نیں پکڑی ہے یار کی صورت

دل نیں پکڑی ہے یار کی صورت

گل ہوا ہے بہار کی صورت

کوئی گل رو نہیں تمہاری شکل

ہم نے دیکھیں ہزار کی صورت

تجھ گلی بیچ ہو گیا ہے دل

دیدۂ انتظار کی صورت

حسن کا ملک ہم نیں سیر کیا

کہیں دیکھی نہ پیار کی صورت

اب زمانہ سبھی طرح بگڑا

کیا بنے روزگار کی صورت

وصل کے بیچ ہجر جا ہے بھول

جوں نشے میں خمار کی صورت

اس زمانے کی دوستی کے تئیں

کچھ نہیں اعتبار کی صورت

کچھ ٹھہرتی نہیں کہ کیا ہوگی

اس دل بے قرار کی صورت

مبتذل اور خراب ہو کر کے

اپنی لونڈے نیں خوار کی صورت

آبروؔ دیکھ یار کا برو دوش

دل ہوا ہے کنار کی صورت

dil nain pakri hai yar ki surat

gul hua hai bahar ki surat

koi gul ru nahin tumhari shakl

ham ne dekhen hazar ki surat

tujh gali bich ho gaya hai dil

dida-e-intizar ki surat

husn ka mulk ham nain sair kiya

kahin dekhi na pyar ki surat

ab zamana sabhi tarah bigra

kya bane rozgar ki surat

wasl ke bich hijr ja hai bhul

jun nashe mein khumar ki surat

is zamane ki dosti ke tain

kuchh nahin etibar ki surat

kuchh thaharti nahin ke kya hogi

is dil-e-be qarar ki surat

mubtazal aur kharab ho kar ke

apni launde nain khwar ki surat

abru dekh yar ka baro dosh

dil hua hai kanar ki surat