دل میں سو آرمان رکھتا ہوں

دل میں سو آرمان رکھتا ہوں

پیارے آخر میں جان رکھتا ہوں

واہ ری عقل تجھ سے دشمن سے

دوستی کا گمان رکھتا ہوں

صبر چھٹ دل سب اور باتوں میں

قابل امتحان رکھتا ہوں

آہ تیرے بھی دھیان میں کچھ ہے

کس قدر تیرا دھیان رکھتا ہوں

تجھ سے ہر بار مل کے میں بے صبر

نہ ملوں پھر یہ ٹھان رکھتا ہوں

صرف میں تو اثرؔ بسان جرس

آہ و نالہ بیان رکھتا ہوں

dil mein so arman rakhta hun

pyare akhir mein jan rakhta hun

wah ri aql tujh se dushman se

dosti ka guman rakhta hun

sabr chhut dil sab aur baton mein

qabil-e-imtihan rakhta hun

ah tere bhi dhyan mein kuchh hai

kis qadar tera dhyan rakhta hun

tujh se har bar mil ke main be sabr

na milun phir ye than rakhta hun

sirf main to asar basan-e-jaras

ah-o-nala bayan rakhta hun