اے ہم نفس اس زلف کے افسانے کو مت چھیڑ

اے ہم نفس اس زلف کے افسانے کو مت چھیڑ

بس سلسلہ جنباں نہ ہو دیوانے کو مت چھیڑ

جس رنگ سے ہے دل میں مرے عشق رخ یار

ناصح نہ ہو دیوانہ پری خانے کو مت چھیڑ

وہ شمع مجالس تو ہے فانوس میں روشن

اے عشق تو مجھ سوختہ پروانے کو مت چھیڑ

تو آپ ہے پیماں شکن اس دور میں ساقی

کہتا ہے مجھے بزم میں پیمانے کو مت چھیڑ

تروار سے کیا ہم کو ڈراتا ہے میاں جا

یاں آپ سے موجود ہیں مر جانے کو مت چھیڑ

ہمدم نہ کہہ اس وقت کہ بوسے کی طلب کر

مجلس میں مجھے گالیاں دلوانے کو مت چھیڑ

منظور اگر چھیڑ ہنسی کی ہے تو پیارے

ہوتے محبؔ اپنے کے تو بیگانے کو مت چھیڑ

ai ham nafas is zulf ke afsane ko mat chher

bas silsila jumban na ho diwane ko mat chher

jis rang se hai dil mein mire ishq-e-rukh yar

naseh na ho diwana pari khane ko mat chher

wo shama majalis to hai fanus mein raushan

ai ishq to mujh sokhta parwane ko mat chher

tu ap hai paiman shikan is daur mein saqi

kahta hai mujhe bazm mein paimane ko mat chher

tarwar se kya ham ko darata hai miyan ja

yan ap se maujud hain mar jane ko mat chher

hamdam na kah is waqt ke bose ki talab kar

majlis mein mujhe galiyan dalwane ko mat chher

manzur agar chher hansi ki hai to pyare

hote muhib apne ke to begane ko mat chher