دل میں خیال یار ہے جاسوس کی نمط
داؤد اورنگ آبادیدل میں خیال یار ہے جاسوس کی نمط
رکھتا ہوں اس کوں ننگ سوں ناموس کی نمط
ویراں ہے سینہ بسکہ ترے باج اے صنم
فریاد دل ہے نغمۂ ناقوس کی نمط
اس رشک مہر پاس پہنچنے کا شوق ہے
اس واسطے انجھوں ہیں مرے اوس کی نمط
اس فصل نو بہار میں بے بادۂ غرور
ہر بو الہوس ہے رنگ میں طاؤس کی نمط
اس شمع رو کے عشق میں داؤدؔ گل سکل
تن ہو رہا ہے پردۂ فانوس کی نمط
dil mein khayal-e-yar hai jasus ki namat
rakhta hun is kun nang sun namus ki namat
wiran hai sina baske tire baj ai sanam
fariyad-e-dil hai naghma-e-naqus ki namat
is rashk-e-mehr pas pahunchne ka shauq hai
is waste anjhon hain mire os ki namat
is fasl-e-nau bahar mein be bada-e-ghurur
har bu alhawas hai rang mein taus ki namat
is shama ro ke ishq mein daud gul sakal
tan ho raha hai parda-e-fanus ki namat