دل لے کے حسینوں نے یہ دستور نکالا

دل لے کے حسینوں نے یہ دستور نکالا

دل جس کا لیا اس کو بہت دور نکالا

زاہد کو کسی اور کی باتیں نہیں آتیں

آیا تو وہی تذکرۂ حور نکالا

دشمن کو عیادت کے لیے یار نے بھیجا

اچھا یہ علاج دل رنجور نکالا

اے تیر ستم چل تری دعوت ہے مرے گھر

زخم دل ناشاد نے انکور نکالا

وہ تذکرۂ غیر پہ جھنجھلا کے یہ بولے

پھر آپ نے مضطرؔ وہی مذکور نکالا

dil le ke hasinon ne ye dastur nikala

dil jis ka liya us ko bahut dur nikala

zahid ko kisi aur ki baten nahin atin

aya to wahi tazkira-e-hur nikala

dushman ko ayadat ke liye yar ne bheja

achchha ye ilaj-e-dil ranjur nikala

ai tir-e-sitam chal tiri daawat hai mire ghar

zakhm-e-dil nashad ne ankor nikala

wo tazkira-e-ghair pe jhanjhla ke ye bole

phir ap ne muztar wahi mazkur nikala