دل لے گئی وہ زلف رسا کام کر گئی

دل لے گئی وہ زلف رسا کام کر گئی

کعبہ کو ڈھ گئی یہ بلا کام کر گئی

آیا نہ یار موت مرا کام کر گئی

ناکام ہی رہا میں قضا کام کر گئی

زاہد نے بھی نماز کو اپنی قضا کیا

واللہ ان بتوں کی ادا کام کر گئی

اس کی گلی میں خاک ہماری نہ لے چلے

اپنا کبھی نہ باد صبا کام کر گئی

زاہد کی آنکھ میں تو برہمن کے دل میں ہے

تصویر بت بھی نام خدا کام کر گئی

بیمار عشق کو ہوئی صحت وصال سے

اے جالینوس اک یہ دوا کام کر گئی

نالے سے اپنے آہ رسا رات بڑھ گئی

نیزے سے برچھی اور سوا کام کر گئی

وہ اب تو چھیڑ چھیڑ کے دیتے ہیں گالیاں

شکر خدا کہ اپنی دعا کام کر گئی

شکوہ نہیں ہے کچھ ملک الموت سے مجھے

اک رشک حور آ کے مرا کام کر گئی

لیلیٰ کو ہو گیا تری فریاد کا گمان

اے قیس زنگ کی بھی صدا کام کر گئی

چھنوائی خاک مہرؔ فلک بارگاہ کو

چھوٹی سی ایک چیز بڑا کام کر گئی

dil le gai wo zulf-e-rasa kam kar gai

kaaba ko dha gai ye bala kam kar gai

aya na yar maut mira kam kar gai

nakam hi raha main qaza kam kar gai

zahid ne bhi namaz ko apni qaza kiya

wallah un buton ki ada kam kar gai

us ki gali mein khak hamari na le chale

apna kabhi na bad-e-saba kam kar gai

zahid ki ankh mein to barahman ke dil mein hai

taswir but bhi nam-e-khuda kam kar gai

bimar ishq ko hui sehhat wisal se

ai jalinus ik ye dawa kam kar gai

nale se apne ah-e-rasa rat barh gai

neze se barchhi aur siwa kam kar gai

wo ab to chher chher ke dete hain galiyan

shukr-e-khuda ke apni dua kam kar gai

shikwa nahin hai kuchh mulk almut se mujhe

ik rashk-e-hur a ke mira kam kar gai

laila ko ho gaya tiri fariyad ka guman

ai qais zang ki bhi sada kam kar gai

chhanwai khak mehr falak bargah ko

chhoti si ek chiz bara kam kar gai