اے نسیم سحری ہم تو ہوا ہوتے ہیں

اے نسیم سحری ہم تو ہوا ہوتے ہیں

دم جو گھٹتا ہے محبت میں خفا ہوتے ہیں

ہم فقیرانہ غزل کہتے ہیں اے شاہ جہاں

خیر ہو خیر ہو مصروف دعا ہوتے ہیں

بحر عالم میں یہ انسان ہیں مانند حباب

دم میں بنتے ہیں یہ دم بھر میں فنا ہوتے ہیں

ہم غریبوں کو نہ اس بزم سے اٹھوا اے بت

صحبت عام میں خاصان خدا ہوتے ہیں

ہم میں اور ان میں بڑھا رابطہ اخترؔ اتنا

ہم پہ وہ صدقے ہیں ہم ان پہ فدا ہوتے ہیں

ai nasim-e-sahari ham to hua hote hain

dam jo ghatta hai mohabbat mein khafa hote hain

ham faqirana ghazal kahte hain ai shah-e-jahan

khair ho khair ho masruf-e-dua hote hain

bahr-e-alam mein ye insan hain manind-e-habab

dam mein bante hain ye dam bhar mein fana hote hain

ham gharibon ko na is bazm se uthwa ai but

sohbat-e-am mein khasan-e-khuda hote hain

ham mein aur un mein barha rabta akhtar itna

ham pe wo sadqe hain ham un pe fida hote hain