دل مرا پھر دکھا دیا کن نے

دل مرا پھر دکھا دیا کن نے

سو گیا تھا جگا دیا کن نے

میں کہاں اور خیال بوسہ کہاں

منہ سے منہ یوں بھڑا دیا کن نے

وہ مرے چاہنے کو کیا جانے

یہ سندیسا سنا دیا کن نے

ہم بھی کچھ دیکھتے سمجھتے تھے

سب یکایک چھپا دیا کن نے

وہ بلائے سے بھاگتا تھا اور

دردؔ تجھ تک بلا دیا کن نے

dil mira phir dikha diya kin ne

so gaya tha jaga diya kin ne

main kahan aur khayal bosa kahan

munh se munh yun bhira diya kin ne

wo mire chahne ko kya jane

ye sandesa suna diya kin ne

ham bhi kuchh dekhte samajhte the

sab yakayak chhupa diya kin ne

wo bulae se bhagta tha aur

dard tujh tak bala diya kin ne