دل سے کہہ آہیں نہ ہر آن بھرے

دل سے کہہ آہیں نہ ہر آن بھرے

کچھ جگر ہو تو دم انسان بھرے

خواہشوں کو میں کروں کیا اے صبر

گھر میں مفلس کے ہیں ارمان بھرے

ہم تو مژگاں کی نمط ہم چشموں

خالی ہاتھ آئے ہیں ارمان بھرے

اشک دانا ہے تو نظروں سے نہ گر

دامن اس دھبے سے نادان بھرے

ضبط روکے نہ تو دکھلاؤں آنکھ

پل میں پانی ابھی طوفان بھرے

چشم عشاق کے بر رو مت آ

اے صدف در نے ترے کان بھرے

گر وہ بت نام خدا گویا ہو

کلمہ کا دم نہ مسلمان بھرے

فوج الفاظ کی بھرتی ہے نسیمؔ

شعر پر کن سے ہیں دیوان بھرے

dil se kah ahen na har an bhare

kuchh jigar ho to dam insan bhare

khwahishon ko main karun kya ai sabr

ghar mein muflis ke hain arman bhare

ham to mizhgan ki namat ham chashmon

khali hath ae hain arman bhare

ashk dana hai to nazron se na gar

daman is dhabbe se nadan bhare

zabt roke na to dikhlaun ankh

pal mein pani abhi tufan bhare

chashm-e-ushshaq ke bar ro mat a

ai sadaf dar ne tire kan bhare

gar wo but nam-e-khuda goya ho

kalima ka dam na musalman bhare

fauj alfaz ki bharti hai nasim

sher par kin se hain diwan bhare