دل سے باہر ہیں خریدار ابھی
باقی صدیقیدل سے باہر ہیں خریدار ابھی
سامنے ہے بھرا بازار ابھی
آدمی ساتھ نہیں دے سکتا
تیز ہے سائے کی رفتار ابھی
یہ کڑی دھوپ یہ رنگوں کی پھوار
ہے ترا شہر پر اسرار ابھی
دل کو یوں تھام رکھا ہے جیسے
بیٹھ جائے گی یہ دیوار ابھی
آنچ آتی ہے صبا سے باقیؔ
کیا کوئی گل ہے شرربار ابھی
dil se bahar hain kharidar abhi
samne hai bhara bazar abhi
admi sath nahin de sakta
tez hai sae ki raftar abhi
ye kari dhup ye rangon ki phuar
hai tira shahr pur asrar abhi
dil ko yun tham rakha hai jaise
baith jaegi ye diwar abhi
anch ati hai saba se baqi
kya koi gul hai shararbar abhi