دل ربا پہلو سے اب اٹھ کر جدا ہونے کو ہے

دل ربا پہلو سے اب اٹھ کر جدا ہونے کو ہے

کیا غضب ہے کیا قیامت ہے یہ کیا ہونے کو ہے

دشمنیٔ خلق میری رہنما ہونے کو ہے

اب مرا دست طلب دست دعا ہونے کو ہے

تو نے چاہا تھا برا میرا بھلا ہونے کو ہے

آب خنجر حلق میں آب بقا ہونے کو ہے

آج تو جی بھر کے پی لینے دے اے ساقی مجھے

جان ہی جاتی رہے گی اور کیا ہونے کو ہے

اے دل پر آرزو کر دے سر تسلیم خم

دیکھ کن ہاتھوں سے خون مدعا ہونے کو ہے

شوخ رفتاری کا اپنی دیکھ تو مڑ کر اثر

ساتھ ساتھ اٹھ کر رواں ہر نقش پا ہونے کو ہے

dil ruba pahlu se ab uth kar juda hone ko hai

kya ghazab hai kya qayamat hai ye kya hone ko hai

dushmani-e-khalq meri rahnuma hone ko hai

ab mira dast-e-talab dast-e-dua hone ko hai

tu ne chaha tha bura mera bhala hone ko hai

ab-e-khanjar halq mein ab-e-baqa hone ko hai

aj to ji bhar ke pi lene de ai saqi mujhe

jan hi jati rahegi aur kiya hone ko hai

ai dil par arzu kar de sar-e-taslim kham

dekh kin hathon se khun-e-muddaa hone ko hai

shokh raftari ka apni dekh to mur kar asar

sath sath uth kar rawan har naqsh-e-pa hone ko hai