دل دے رہا تھا جو اسے بے دل بنا دیا

دل دے رہا تھا جو اسے بے دل بنا دیا

آسان کام آپ نے مشکل بنا دیا

ہر سانس ایک شعلہ ہے ہر شعلہ ایک برق

کیا تو نے مجھ کو اے تپش دل بنا دیا

اس حسن ظن پہ ہم سفروں کے ہوں پا بہ گل

مجھ بے خبر کو رہبر منزل بنا دیا

اندھا ہے شوق پھر نظر امکان پر ہو کیوں

کام اپنا دل نے آپ ہی مشکل بنا دیا

دوڑا لہو رگوں میں بندھی زندگی کی آس

یہ بھی برا نہیں ہے جو بسمل بنا دیا

غرق و عبور دونوں کا حاصل ہے ختم کار

مجبوریوں نے موج کو ساحل بنا دیا

اس شان عاجزی کے فدا جس نے آرزوؔ

ہر ناز ہر غرور کے قابل بنا دیا

dil de raha tha jo use be dil bana diya

asan kam ap ne mushkil bana diya

har sans ek shola hai har shola ek barq

kya tu ne mujh ko ai tapish-e-dil bana diya

us husn-e-zan pe ham safron ke hun pa ba gul

mujh be khabar ko rahbar-e-manzil bana diya

andha hai shauq phir nazar imkan par ho kyun

kam apna dil ne ap hi mushkil bana diya

daura lahu ragon mein bandhi zindagi ki as

ye bhi bura nahin hai jo bismil bana diya

gharq-o-ubur donon ka hasil hai khatm kar

majburiyon ne mauj ko sahil bana diya

is shan ajizi ke fida jis ne arzu

har naz har ghurur ke qabil bana diya