دل سنگ نہیں ہے کہ ستم گر نہ بھر آتا

دل سنگ نہیں ہے کہ ستم گر نہ بھر آتا

کرتے نہ اگر ضبط تو منہ تک جگر آتا

تو فاتحہ خوانی کو اگر قبر پر آتا

مرنے سے مرے غیر کا مطلب نہ بر آتا

اے قیس اگر دشت میں تو راہ پر آتا

سو بار تجھے ناقۂ لیلیٰ نظر آتا

تخصیص نہ تھی طور کی اے حضرت موسیٰ

ہر سنگ میں وہ نور تجلی نظر آتا

ہوتی چمن آرائے ازل کی جو مشیت

اپنے شجر عشق کا وقت ثمر آتا

بے کار نہ کر رات بسر منتظری میں

آنا اسے ہوتا تو وہ اب تک اثرؔ آتا

dil sang nahin hai ke sitam gar na bhar ata

karte na agar zabt to munh tak jigar ata

tu fatiha khwani ko agar qabr par ata

marne se mire ghair ka matlab na bar ata

ai qais agar dasht mein to rah par ata

sau bar tujhe naqa-e-laila nazar ata

takhsis na thi tur ki ai hazrat-e-musa

har sang mein wo nur-e-tajalli nazar ata

hoti chaman ara-e-azal ki jo mashiyyat

apne shajar ishq ka waqt samar ata

be kar na kar rat basar muntaziri mein

ana use hota to wo ab tak asar ata