دل دیا تب کہ بہت زلف رسا نے چاہا

دل دیا تب کہ بہت زلف رسا نے چاہا

آپ فرماتے ہیں یوں اس کی بلا نے چاہا

تا دم مرگ نہ ہوں تجھ سے مری جان جدا

میں نے چاہا تھا ولیکن نہ خدا نے چاہا

چل بسے دیکھتے ہی چال ادا کی ہم تو

ہو وے قصہ ہی ادا تیری ادا نے چاہا

گھر سے کس طرح سے یوں حضرت منعم نکلیں

دی نہ بوبو نے اجازت نہ دوانے چاہا

ہو کے یک دست ترے اور ہی اے یار نمود

جب تجھے ہم سے کسی بے سر و پا نے چاہا

مرتے مرتے بھی نہ یک بار تجھے دیکھ لیا

اس قدر بھی نہ مری جان قضا نے چاہا

کوئی اپنا نہ ہوا سلسلہ جنبان جنوں

ایک فی الجملہ اسی زلف دوتا نے چاہا

جس طرح چاہو ستاؤ مجھے ہر روز بتو

اس کا اک رات عوض لوں گا خدا نے چاہا

نام عنقا سے بھی ننگ آتا ہے احسانؔ مجھے

شہرۂ نام کو کیوں اہل فنا نے چاہا

dil diya tab ke bahut zulf-e-rasa ne chaha

ap farmate hain yun us ki bala ne chaha

ta dam-e-marg na hun tujh se miri jan juda

main ne chaha tha walekin na khuda ne chaha

chal base dekhte hi chal ada ki ham to

ho we qissa hi ada teri ada ne chaha

ghar se kis tarah se yun hazrat-e-munam niklen

di na bubu ne ijazat na diwane chaha

ho ke yak dast tire aur hi ai yar numud

jab tujhe ham se kisi be sar-o-pa ne chaha

marte marte bhi na yak bar tujhe dekh liya

is qadar bhi na miri jan-e-qaza ne chaha

koi apna na hua silsila jumban-e-junun

ek fi aljumla isi zulf-e-duta ne chaha

jis tarah chaho satao mujhe har roz buto

us ka ik rat ewaz lunga khuda ne chaha

nam anqa se bhi nang ata hai ehsan mujhe

shohra-e-nam ko kyun ahl-e-fana ne chaha