دل دھڑکنے لگا فریاد کی نوبت آئی

دل دھڑکنے لگا فریاد کی نوبت آئی

تم چلے اٹھ کے مری جان قیامت آئی

آپ کے ظلم نے دی میری وفا کو شہرت

کہ مرے خون سے بھی بوئے محبت آئی

سچ ہے مرنے پہ نہیں کوئی کسی کا دل سوز

شمع بھی بجھ گئی جس دم سر تربت آئی

آہ سے میری زمیں ہل گئی تارے ٹوٹے

میں یہ سمجھا کہ زمانے میں قیامت آئی

مسکراتے ہوئے دنیا سے گئے اہل وفا

جان دے دینے سے چہرے پہ بشاشت آئی

dil dharakne laga fariyad ki naubat ai

tum chale uth ke miri jan-e-qayamat ai

ap ke zulm ne di meri wafa ko shohrat

ke mire khun se bhi bu-e-mohabbat ai

sach hai marne pe nahin koi kisi ka dil soz

shama bhi bujh gai jis dam sar-e-turbat ai

ah se meri zamin hal gai tare tute

main ye samjha ke zamane mein qayamat ai

muskurate hue duniya se gae ahl-e-wafa

jan de dene se chehre pe bashashat ai