دل جو آئینہ سا نہیں ہوتا

دل جو آئینہ سا نہیں ہوتا

یار جلوہ نما نہیں ہوتا

صبر کر صبر اے دل محزوں

اس محبت میں کیا نہیں ہوتا

گو نسیم سحر ہے آہ مری

غنچۂ دل تو وا نہیں ہوتا

مرغ بسمل سا کیوں نہ میں تڑپوں

درد راحت فزا نہیں ہوتا

کیوں کروں جا کے میں اسے سجدہ

بت کافر خدا نہیں ہوتا

ہوتا نام و نشاں کا گر طالب

میں ترا نقش پا نہیں ہوتا

کیوں دل آتا تمہارے در پہ صنم

گرچہ شوق لقا نہیں ہوتا

عشق ہوتا نہیں تو پیش نظر

جلوۂ حق نما نہیں ہوتا

سر کٹانے سے ہو گئی راحت

عشق کا یہ مزا نہیں ہوتا

مجھ سے در پردہ ہے تجھے الفت

مجھ کو یہ حوصلا نہیں ہوتا

دل کو کیوں کر جمیلہؔ میں پھینکوں

کسی صورت جدا نہیں ہوتا

dil jo aina sa nahin hota

yar jalwa numa nahin hota

sabr kar sabr ai dil-e-mahzon

is mohabbat mein kya nahin hota

go nasim-e-sahar hai ah miri

ghuncha-e-dil to wa nahin hota

murgh-e-bismil sa kyun na main tarpun

dard rahat faza nahin hota

kyun karun ja ke main use sajda

but-e-kafir khuda nahin hota

hota nam-o-nishan ka gar talib

main tira naqsh-e-pa nahin hota

kyun dil ata tumhare dar pe sanam

garche shauq-e-liqa nahin hota

ishq hota nahin to pesh-e-nazar

jalwa-e-haq numa nahin hota

sar katane se ho gai rahat

ishq ka ye maza nahin hota

mujh se dar parda hai tujhe ulfat

mujh ko ye hausala nahin hota

dil ko kyun kar jamilahu mein phenkun

kisi surat juda nahin hota