دل دادگان حسن سے پردا نہ چاہئے

دل دادگان حسن سے پردا نہ چاہئے

دل لے کے چھپ گئے تمہیں ایسا نہ چاہئے

دل کام کا نہیں تو نہ لو جان نذر ہے

اتنی ذرا سی بات پہ جھگڑا نہ چاہئے

زاہد تو بخشے جائیں گنہ گار منہ تکیں

اے رحمت خدا تجھے ایسا نہ چاہئے

اے دل سدا اسی کی طرف سر جھکا رہے

کعبہ وہی ہے غیر کا سجدا نہ چاہئے

کعبہ سمجھ کے دیر میں مضطرؔ بسر کرو

وہ ہر جگہ ہے اب کہیں جانا نہ چاہئے

dil dadgan-e-husn se parda na chahiye

dil le ke chhup gae tumhen aisa na chahiye

dil kam ka nahin to na lo jan nazr hai

itni zara si bat pe jhagra na chahiye

zahid to bakhshe jaen gunah gar munh taken

ai rahmat-e-khuda tujhe aisa na chahiye

ai dil sada usi ki taraf sar jhuka rahe

kaaba wahi hai ghair ka sajda na chahiye

kaaba samajh ke der mein muztar basar karo

wo har jagah hai ab kahin jana na chahiye