دل بہ دل آئینہ ہے دیر و حرم

دل بہ دل آئینہ ہے دیر و حرم

حق جو پوچھو ایک در ہے دو طرف

خواہ کعبہ خواہ بت خانہ کو جا

دشت دل کا رہ گزر ہے دو طرف

کفر و ایماں دونوں جانب کی سنے

اس لئے گوش بشر ہے دو طرف

رخنہ اندازوں کی کب چھپتی ہے آنکھ

چشم روزن کی نظر ہے دو طرف

باغ ہو یا دشت ہو قسمت نسیمؔ

کوچ کی اپنے خبر ہے دو طرف

dil ba dil aina hai dair-o-haram

haq jo puchho ek dar hai do taraf

khwah kaaba khwah but khana ko ja

dasht-e-dil ka rah guzar hai do taraf

kufr-o-iman donon janib ki sune

is liye gosh-e-bashar hai do taraf

rakhna andazon ki kab chhupti hai ankh

chashm-e-rauzan ki nazar hai do taraf

bagh ho ya dasht ho qismat nasim

kuch ki apne khabar hai do taraf