اے ناصح چشم تر سے مت کر آنسو پاک رہنے دے
Wali Uzlat (1692–1775)اے ناصح چشم تر سے مت کر آنسو پاک رہنے دے
ارے بے درد رونے میں مجھے بے باک رہنے دے
برس مت ابر مٹ جاگا بگھولا خاک مجنوں کا
خدا کے واسطے دشت جنوں کی ناک رہنے دے
دل زخمی ہے شائق بوئے گل اور شور بلبل کا
رفو گر فصل گل میں یہ گریباں چاک رہنے دے
یہ طاقت نذر ہے اے ناتوانی پر بہاروں میں
مرے ہاتھوں کو چاک جیب پر چالاک رہنے دے
نصیحت مجھ کو ترک عشق کی کچھ فرض نہیں تجھ پر
نہ چھوڑ اے شیخ سنت منہ میں نت مسواک رہنے دے
اڑا مت اے نسیم باغ جنت کیا کروں تجھ کو
مرے سر پر ذرا پی کی گلی کی خاک رہنے دے
اگر جوں شمع دید شعلہ رویاں چاہئے عزلتؔ
نظارا تا نہ جل جا چشم کو نمناک رہنے دے
ai naseh chashm-e-tar se mat kar ansu pak rahne de
are be dard rone mein mujhe be bak rahne de
baras mat abr mit jaga baghola khak-e-majnun ka
khuda ke waste dasht-e-junun ki nak rahne de
dil-e-zakhmi hai shaiq bu-e-gul aur shor-e-bulbul ka
rafu gar fasl-e-gul mein ye gareban chak rahne de
ye taqat nazr hai ai natawani par baharon mein
mire hathon ko chak-e-jeb par chalak rahne de
nasihat mujh ko tark-e-ishq ki kuchh farz nahin tujh par
na chhor ai shaikh sunnat munh mein nit miswak rahne de
ura mat ai nasim-e-bagh-e-jannat kya karun tujh ko
mire sar par zara pi ki gali ki khak rahne de
agar jun shama did shola rawiyan chahiye uzlat
nazara ta na jal ja chashm ko namnak rahne de