اے یار مجھ افسردۂ ہجراں کو پہنچ تو

اے یار مجھ افسردۂ ہجراں کو پہنچ تو

اے رشک مسیحا تن بے جاں کو پہنچ تو

فریاد‌ کش اک بوسے کا ہوں تیرے لبوں سے

اے سرمہ مسی کے مری افغاں کو پہنچ تو

گر آتش دل نالوں کی صرصر سے نہ سلگے

مت سرد ہو دامان بیاباں کو پہنچ تو

بکھرے ہیں شرر دل کے مرے دود فغاں میں

اپنے ہی سر‌ زلف زر افشاں کو پہنچ تو

شاید کہ ہو اس باغی چمن میر کا منظور

شبنم ہو کے اے اشک گلستاں کو پہنچ تو

گر چاہ ہے سرسبزئے بختوں کی دوانے

اطفال کے پتھراؤ کی باراں کو پہنچ تو

پر زنگ ہے آئینۂ دل ہند سے عزلتؔ

گر چاہیے صف ہاں تو صفاہاں کو پہنچ تو

ai yar mujh afsurda-e-hijran ko pahunch to

ai rashk-e-masiha tan-e-be jan ko pahunch to

fariyad kash ik bose ka hun tere labon se

ai surma missi ke miri afghan ko pahunch to

gar atish-e-dil nalon ki sarsar se na sulge

mat sard ho daman-e-bayaban ko pahunch to

bikhre hain sharar dil ke mire dud-e-fughan mein

apne hi sar-e-zulf-e-zar afshan ko pahunch to

shayad ke ho is baghi chaman mir ka manzur

shabnam ho ke ai ashk gulistan ko pahunch to

gar chah hai sarsabze bakhton ki diwane

atfal ke pathrao ki baran ko pahunch to

par zang hai aina-e-dil hind se uzlat

gar chahiye saf han to safahan ko pahunch to