خط کی رخسار پر سیاہی ہے

خط کی رخسار پر سیاہی ہے

چشم خوابیدہ خوش نگاہی ہے

عشق کا ہے غبار نالہ عروج

آسماں اوج تخت شاہی ہے

کیوں نہ ہو عندلیب گرم فغاں

بوئے گل ہر طرف کو راہی ہے

اشک حسرت ہے آج طوفاں خیز

کشتیٔ چشم کی تباہی ہے

ہوں گرفتار آپ اپنا میں

حلقۂ فلس دام ماہی ہے

چشم جاناں کا رعب ابرو ہے

تیغ سے صولت سپاہی ہے

مرگ میرا ہے ضبط گریہ وقارؔ

آب آب حیات ماہی ہے

khat ki rukhsar par siyahi hai

chashm-e-khwabida khush nigahi hai

ishq ka hai ghubar-e-nala uruj

asman auj-e-takht-e-shahi hai

kyun na ho andalib garm-e-fughan

bu-e-gul har taraf ko rahi hai

ashk hasrat hai aj tufan khez

kashti-e-chashm ki tabahi hai

hun giraftar ap apna mein

halqa-e-fals-e-dam-e-mahi hai

chashm janan ka rob abru hai

tegh se saulat-e-sipahi hai

marg mera hai zabt-e-girya waqar

ab ab-e-hayat mahi hai