خرابی کچھ نہ پوچھو ملکت دل کی عمارت کی

خرابی کچھ نہ پوچھو ملکت دل کی عمارت کی

غموں نے آج کل سنیو وہ آبادی ہی غارت کی

نگاہ مست سے جب چشم نے اس کی اشارت کی

حلاوت مے کی اور بنیاد میخانے کی غارت کی

سحر گہ میں نے پوچھا گل سے حال زار بلبل کا

پڑے تھے باغ میں یک مشت پر اودھر اشارت کی

جلایا جس تجلی جلوہ گر نے طور کو ہم دم

اسی آتش کے پر کالے نے ہم سے بھی شرارت کی

نزاکت کیا کہوں خورشید رو کی کل شب مہ میں

گیا تھا سائے سائے باغ تک تس پر حرارت کی

نظر سے جس کی یوسف سا گیا پھر اس کو کیا سوجھے

حقیقت کچھ نہ پوچھو پیر کنعاں کی بصارت کی

ترے کوچے کے شوق طوف میں جیسے بگولا تھا

بیاباں میں غبار میرؔ کی ہم نے زیارت کی

kharabi kuchh na puchho milkit dil ki imarat ki

ghamon ne aj kal suniyo wo abadi hi gharat ki

nigah-e-mast se jab chashm ne us ki isharat ki

halawat mai ki aur buniyad maikhane ki gharat ki

sahar gah main ne puchha gul se hal-e-zar bulbul ka

pare the bagh mein yak musht par udhar isharat ki

jalaya jis tajalli jalwa gar ne tur ko ham dam

isi atish ke par kale ne ham se bhi shararat ki

nazakat kya kahun khurshid ru ki kal shab-e-mah mein

gaya tha sae sae bagh tak tis par hararat ki

nazar se jis ki yusuf sa gaya phir us ko kya sujhe

haqiqat kuchh na puchho pir-e-kanan ki basarat ki

tire kuche ke shauq-e-tauf mein jaise bagula tha

bayaban mein ghubar-e-mir ki ham ne ziyarat ki